Wednesday, June 15, 2011

කේන්තියට කියන විරිදු - Kenthiyata kiyana viridu

බුදුන් දහම් සඝ තෙරුවන වැද අවසර රැගෙන සියල්
අසන් මහතුනේ අනාත රටක කියන විරිදු සුරල්
පිරිස- කේන්තියට කියන විරිදු
          ඒ අනාත රට ඉස්සර සකල සිරින් පිරුනු රටක්
          බුදුන් පවා පය තිබ්බා උතුම් හිතින් දෙතුන් විටක්
පිරිස- බුදුන් උන්නේ එහා රටේ
          රට රට වල මහ ඇත්තන් පතල මහා කරුණාවට
          ඇවිත් එරට කල කොඩිවින කපන්ට බැහැ මේ කාපේට
පිරිස- කාගෙත් ඇස් යොමු වුනු රට
          ගෙරි හංකඩ එලාගන්න කොළඹට ආ පරංගියා
          අපේ රටම හූරාගෙන උගේ රටට අරං ගියා
පිරිස- කොයි පරයත් එහෙම තමයි
          ඉගුරු දීලා මිරිස් ගත්ත මෝඩ අපේ රජ දරුවෝ
          ලංදේසීන් ඉංග්‍රීසීන් කැන්දාගෙන වින කෙටුවෝ
පිරිස- ඒක සැබැයි සැබැයි
          බේර ගන්න පුලුවන්නම් රජ දරුවන් හට ඔටුන්න
          සූදානම් මහතුනි උන් පරයි එක්ක නිදි වදින්න
පිරිස- රජ පුටුවේ මලත් සැපයි
          එදත් අදත් හෙටත් මිතුරු වෙස් අරගෙන පරයි එනව
          දළදා මාලිගෙත් අරන් උන් දවසක යන්න යනව
පිරිස- හෙටත් වෙන්න ඉඩ තියෙනව
          කා ගන්නා අතර එකම රටේ ඉන්න සිංහයෝ කොටි
          කෙල හලනව තලු මරනව අල්ලපු රට වල හොටබරි
පිරිස- උකස් කරන රන් දූපත
          පරෙයියන්ගෙ වෙස් ගත්තත් පරයො ඇහැකි අදුර ගන්ට
          තමුන්ගෙ වාසියට මිසක් උන් ඒවිද පිහිට වෙන්න
පිරිස- පෙරුම් පුරන බෝසත්වරු
          පෘතුගීසි ලන්දේසි ඉංග්‍රීසි කාලේ වගේ
          කල දවසක් ආයේ එතොත් මොකටද ලක් මෑණි මගේ
පිරිස- ඒ පව අප පිට වැටේවි
          රට වටකර වැට බදින්න කැති මන්නා ගන්ට වෙනව
          වැටට උඩින් පනින උන්ට මන්න පාර දෙන්න වෙනව
පිරිස- සාධාරණ පහර දීම
          සිහළු ආපේ දෙමළු අපේ මුස්ලිම් මිනිසුනුත් අපේ
          උන් කඳවුරු බදින දිනේ පරයන්ගේ බොටුව කැපේ
පිරිස- අනාත රට සනාත‍ වෙයි
          අනාත රට සනාත වෙයි
          අනාත රට සනාත වෙයි

No comments:

Post a Comment