Saturday, June 25, 2011

මොනවද අම්මේ අකුරු ජාතියක් -Monawada amme akuru jathiyak

මොනවද අම්මේ අකුරු ජාතියක්
මල් පෙති වල කවුදෝ ලියලා
කවුරුද අම්මේ මේවා ලියන්නේ
පාට පාට ඉරි හැඩ ගහලා

පුතා දන්නෙ නෑ හඳ ඇති කාලෙට
වනන්තරේ හරි වැඩ කෙරෙතී
බෝසත්වරු බණ කතා කියද්දී
වන දෙවඟනො මල් වල ලියතී


මේ වගෙ ලස්සන පාට අපට නෑ
කොතැනින් මේවා ගෙන එන්නේ
කොහොමද අම්මේ මේව කියන්නේ
මට නෑ මොකවත් තේරෙන්නේ

ඉර පායන කොට ඉර බැස යන කොට
පාට වළාකුළු ඇත අහසේ
ඒවායින් මේ මල් පැහැ ගන්වයි
ඒව කෙරෙන්නේ හොර රහසේ


අම්මෙ අම්මෙ අර පුංචි කුරුල්ලෝ
කිචි බිචි ගා මොනවද කියතී
උන් දන්නව ඇති මේ මල් වල ඇති
පුංචි අකුරු නිතරම බලතී

ඔව් මගෙ සූකිරි පුංචි පුතේ ඔව්
කුරුළු ගීත වල රස මතුවේ
එක එක තාලෙට කියන කියන දේ
මල් කොළ වල තව තව ලියැවේ


බිම බැලුවත් මල් උඩ බැලුවත් මල්
පුංචි කුරුල්ලන් ඉගිලෙනවා
සෑමදාම ඇයි මෙහෙමම නැත්තේ
මල් ද කුරුල්ලන් කොහි යනවා

බුදු හාමුදුරුවො ඉපැදුණු කාලෙට
කවදත් ඔහොමයි පුතුනි මගේ
මිනිසුන් වාගෙම සත්තුන් වාගෙම
මල් කොළ වලටත් සතුට නැගේ


ගායනය - කිංස්ලි ජයසේකර, ප්‍රිසිලා ඕපාත
ගී පද රචනය - ශ්‍රී චන්ද්‍රරත්න මානවසිංහ

6 comments:

  1. Apita ona hama eka song ekakma thiyenawa... good web...ekak...!!!

    ReplyDelete
  2. nice site, thanks for sharing this lyrics
    don't forget to visit this awesome site : http://ezlyrics.us

    EZLyrics

    ReplyDelete
  3. thanks a lot for sharing these lyrics.

    only you should add the last verse
    අම්මේ අප අර සාදු කියනකොට බුදුහාමුදුරුවෝ මල් දැකලා
    දුටුවද ටික ටික හිනැහෙන ලස්සන
    ඉස්සර කිවූ බණ මතක් වෙලා

    when i was small and visited jaya sri maha bodiya buduge i always felt from which ever place i sat budu hamuduruwo was smiling with me because i remembered this song and this last verse

    ReplyDelete
  4. This comment has been removed by the author.

    ReplyDelete
  5. Thank you for posting this beautiful song with real credits of original artists

    ReplyDelete