Thursday, May 3, 2012

පෙර රජ දවස - pera raja dawasa

පෙර රජ දවස වැව් දාගැබ් ගණන් කොට
ගල් කණු අසළ හපකරමින් බුළත් විට
ඇවිදින විටත් නිදියන දූ පුතුන් ලද
ඒ මගෙ නිජ බිමයි ලෝකෙන් උතුම් රට

කහට කෝප්පේ පොඟවා ගිළින්නට
පාන් කෑල්ලක් යදිනා දනන් හට
ඇස් නැත සිදුව ඇති දේ ගැන දකින්නට
එනමුත් මගෙ රටයි ලෝකෙන් උතුම් රට

රැවටී සුවහසක් බොරු කාරයින් හට
පාඩම් ලබා නැත යුග යුග ගනන් සිට
දෑසේ කඳුළු ඉතිරිව නැත හඬන්නට
එනමුත් මගෙ රටයි ලෝකෙන් උතුම් රට

උගසට තබා මගෙරට පිට රටුන් හට
ලොව බලවතුන් අභිමුඛයේ දනින් සිට
සිගමන් යදිමු සාගින්දර නිවන්නට
එනමුත් මගෙ රටයි ලෝකෙන් උතුම් රට

----------------------------------------------
ගායනය - නන්දා මාලනි මිය
පද රචනය - සුනිල් ආරියරත්න මහතා
සංගීතය - ඔස්ටින් මුණසිංහ මහතා
------------------------------
උපුටා ගැනීම මූනු පොතේ සුදු පැංචිගේ පිටුවෙන්

No comments:

Post a Comment