Sunday, October 18, 2015

එපා යළි හමුවන්න ජීවිතේ ගමන් මග - Epa yali hamu wanna jeewithe gaman maga

-------------------------------------------------------------
එපා යළි හමුවන්න ජීවිතේ ගමන් මග
ඔබෙන් මට උරුම වූ වේදනා කඳුළු ගඟ
හිරු සිනාසෙන ලොවක පැතුම් මල් දෙවැට ළඟ
ඔබේ ජීවන සුවඳ අරන් ඈතට යන්න

සංසාර ගමන් මග සෙනෙහස සොයා දිනක
ආ ගමන නිමා කළ ඔබේ හදවත ගාව
සෙනෙහසේ අවසාන කඳුළු බිඳුවක පහස
ගලා යයි අතීතේ මිය ඇදුණු සොහොන ළඟ

ඔබ මවෙත තිළිණ කල ඔබේ බැතිබර සුවඳ
මගේ මතකය වසා සදාකල් රැඳෙනු ඇත
සංසාරයේ යළිඳු නවාතැන් සොයා යන
මගේ මළගමදාට ඇවිත් යන්නට එන්න

එපා යළි හමුවන්න ජීවිතේ ගමන් මග
ඔබෙන් මට උරුම වූ වේදනා කඳුළු ගඟ
හිරු සිනාසෙන ලොවක පැතුම් මල් දෙවැට ළඟ
ඔබේ ජීවන සුවඳ අරන් ඈතට යන්න

-------------------------------------------------------------
ගී පද - ඩිෂාන් නානායක්කාර
ගී තනුව - කරුණාරත්න විජේවර්ධන
ගායනය - සුනිල් එදිරිසිංහ
-------------------------------------------------------------



2 comments:

  1. හරිම ලස්සන ගීයක්. හදවතට කා වැදෙන ගීතයක් කීවොත් තමා හරි. ස්තූතියි!

    ReplyDelete
  2. ප්‍රතිචාරය සදහා බොහොම ස්තූතියි!!

    ReplyDelete