අමුතු මිනිස්සු - Amuthu Minissu
මුතු ඇටයක ඉපදීලා
සාගරයෙන් වටවීලා
ඒරොප්පෙන් සැමන් ගේන
පුදුම මිනිස්සු...
පුදුමයි වාගේ පෙනුනට - අමුතු මිනිස්සු
පුදුමයි වාගේ පෙනුනට - අමුතු මිනිස්සු
ඔසරිය මැද පෙනෙන බඩම
ඩෙනිම මැදින් පෙන්නනකොට
සදාචාරේ ඔලුවට ගෙන
බනින මිනිස්සු...
වෙලාවකට පුදුමයි අපි - අමුතු මිනිස්සු
වෙලාවකට පුදුමයි අපි - අමුතු මිනිස්සු
සල්ලි පාවේ - ඈත යාවේ
හීන පාරේ - බිඳිලා යාවේ
සල්ලි පාවේ - ඈත යාවේ
හීන පාරේ - බිඳිලා යාවේ
තමන්ගෙ රෙදි ගැලවෙද්දිත්
හෙළුව අතින් වහගෙන හරි
අනුන්ගෙ රෙද්දේ ඇද කුද
හොයන මිනිස්සු...
වෙලාවකට හිනා යනවා - මෙහෙම මිනිස්සු
වෙලාවකට හිනා යනවා - මෙහෙම මිනිස්සු
ටයි පොල්ලෙන් - බෙන්ස් එකෙන්
ටැටු එකෙන් - කලර් එකෙන්
මිනිස්සුන්ට සහතික දෙන - අමුතු මිනිස්සු
නිදානයක නිදන් ඉන්න - අරුම මිනිස්සු
නිදානයක නිදන් ඉන්න - අරුම මිනිස්සු
සල්ලි පාවේ - ඈත යාවේ
හීන පාරේ - බිඳිලා යාවේ
සල්ලි පාවේ - ඈත යාවේ
හීන පාරේ - බිඳිලා යාවේ
රයිස් කොත්තු උඩ නැගගෙන
කොක් බෝතලෙන් සැනහෙන
බෙහෙත් පෙත්තෙ සයිඩ් ඉෆෙක්ට්
හොයන මිනිස්සු...
දුකත් හිතෙනවා අපි ගැන - මෙහෙම මිනිස්සු
දුකත් හිතෙනවා අපි ගැන - මෙහෙම මිනිස්සු
හොඳම කඩෙන් රෙදි ඇඳගෙන
හොඳම කොලිටි බඩු අරගෙන
හොඳම හොරුන් දියවන්නා
යවපු මිනිස්සු...
ඊට පස්සේ රට ඉවරයි - කියන මිනිස්සු
ඊට පස්සේ රට ඉවරයි - කියන මිනිස්සු
අනේ මන්දා අපිනම් මහ පුදුම මිනිස්සු
මුතු ඇටයේ ඉපදුණු අපි - අමුතු මිනිස්සු
මුතු ඇටයේ ඉපදුණු අපි - අමුතු මිනිස්සු බොලව්
- ගායනය - හෂේන් දුලංජන
- තනුව - හෂේන් දුලංජන
- වචන - අනීශා ජයකොඩි
- සංගීතය - හෂේන් දුලංජන
- ගිටාර් වාදනය - රොහාන් රන්වල
- සංගීත සංස්කරණය - හෂේන් දුලංජන
Comments
Post a Comment